സുബിഹി നമസ്കാരത്തിനു ശേഷമുള്ള ഒരു ചെറിയ മയക്കത്തിലായിരുന്നു മനിസ്സിലൂടെ ഒരുപാട് ചിന്തകള് കടന്നു പോയിക്കൊണ്ടിരിന്നു....
ഫോണിന്റെ നിറുത്താതെയുള്ള ബെല്ലടി എന്റെ മയക്കത്തെ അലങ്കോലപ്പെടുത്തി......
ഹലോ... ഹലോ... ഇതു ഞാനാണ് , മുബാറക് സ്റ്റോറില് നിന്നും മുസ്തഫയാണ്...
എന്താ മുസ്തഫാ....
പുറത്തു ഇക്കാന്റെ വണ്ടി നിറുത്തിയിടത്തു ഉള്ള ഗട്ടറിന്റെ മൂടി മാറ്റി പണിയാന് പണിക്കാര് വന്നിരിക്കുന്നു. [ജിദ്ദയുടെ ശാപം , ഗട്ടര് വണ്ടികളും , അതില് നിന്ന് നിര്ഗമിക്കുന്ന അതിരൂക്ഷമായ ദുര്ഗന്ധവും]
അതിനിപ്പെന്താ....... അവരു പണിതോട്ടെ........
അതല്ല വണ്ടി ഒന്നു മാറ്റി കൊടുക്കാന് പറഞ്ഞു.
ശരി ... ഞാന് ഒരു പത്തു മിനിറ്റ് കൊണ്ടു വരാം എന്ന് പറഞ്ഞോളൂ..
ഓക്കേ.
ബ്ലോഗ് എഴുത്ത് തുടങ്ങിയതിനു ശേഷം ചിന്തകള് തന്നെ ചിന്ത ... എന്റെ ചിന്തകള്ക്ക് ഭംഗം വരുത്തിയ പണിക്കാരെ ശപിക്കാന് മനസ്സ് സമ്മതിക്കുന്നില്ല ... പാവം സൗദിയില് ഈ പൊരിവെയിലത്ത് പണിയെടുക്കുന്ന അവര് എന്ത് പിഴച്ചു....
നേരെ ബാത്ത്റൂമില് കയറി പെട്ടന്ന് കാര്യങ്ങളൊക്കെ കഴിച്ചു പുറത്തിറങ്ങി....
സാദാരണ ബാത്ത്റൂം ആണ് എന്റെ ലൈബ്രറി.... പേപ്പറായാലും [മലയാളം ന്യൂസ്] കവിതയായാലും , കഥയായാലും ഇപ്പോള് സോഷ്യല് മീഡിയയുടെ വരവോടെ ഫോണും ബാത്ത്റൂം കൊണ്ടു പോകല് ശീലമായി.....
ഫേസ് ബുക്കും മെയില് നോക്കലും ഒക്കെ ബാത്ത്റൂമില് തന്നെ ....!
ഭാര്യ ഇടക്കൊന്നു ഒര്മപ്പെടുത്തും ഈ പോക്ക് പോയാല് നിങ്ങള്ക്ക് മൂല ക്കുരു വരും മനുഷ്യാ എന്ന്....
ഈ കമ്പ്യുട്ടറിലുള്ള ഇരുത്തവും ബാത്ത്റൂം ഇരുത്തവും ഒന്നും അവള്ക്കു തീരെ പിടിക്കൂല. നമുക്കിഷ്ട്ടപ്പെട്ടത് അവര്ക്ക് പറ്റില്ലല്ലോ.
വണ്ടി മാറ്റിയിട്ടു തിരിച്ചു പോരുമ്പോള് അതാ നില്ക്കുന്നു സാക്ഷാല് സീതി..... എന്റെ കുടുംബക്കാരനും ജിദ്ദയിലെപ്രശസ്ത പാട്ടുകാരനും......
സുലൈമാന്റെ സുലൈമാന്റെ
സുലൈമാന്റെ സുലൈമാന്റെ
സുലൈമാന്റെ സുലൈമാന്റെ
ഈ പാട്ടു ലോക പ്രശക്തമായത് സീതി സാഹിബിലൂടെയാണ് .. നര്മ്മം കലര്ന്ന സംസാരവും എപ്പോഴും തമാശയിലൂടെ പ്രതികരിക്കുന്നതും മുഖമുദ്രയാക്കിയ സാക്ഷാല് സീതി. ഇപ്പോള് സുഹൃത്തുക്കള് സീതി ഹാജി എന്നും വിളിക്കാറുണ്ട്.
Samad Karadan താങ്കള് എഴുതിയ വരികള് പാടാന് കുടുംബക്കാരനായ സീതി ഹാജി സാഹിബിനെ വിളിക്കാമായിരുന്നു. Seethi Kolakkadan
സ്പോര്ട്ടിംഗ് ഗാനം.
എന്റെ മുന്നില് ഒരു ഇരയെ കിട്ടിയ സന്തോഷം പുറത്തു കാണിക്കാതെ തന്നെ അടുത്ത് ചെന്നു. എന്റെ ബ്ലോഗിനെ പറ്റിയൊക്കെ ഒന്നു പറയണം , പറ്റുമെങ്കില് ഒരു മെമ്പര് ആകാനും ആവശ്യപെടാം ''കുടുംബവുമാണല്ലോ''
സലാം പറഞ്ഞു. ''ആസ്സലാമുഅലൈക്കും''
''വ അലൈക്കും സലാം'' എന്താ ബാബൂ രാവിലെതന്നെ ഇവിടെ ... [ഫാമിലിയിലെല്ലാവരും എന്നെ വിളിക്കുന്നത് ബാബൂ എന്നാണ്]
ഒന്നൂല്ല്യ , വണ്ടി ഒന്നു മാറ്റി ഇടാന് വന്നതാണ്.
ഇന്നു പുറത്തൊന്നും പോയില്ലേ...
"പോണം" സീതികാക്ക എന്താ ഇവിടെ ?
കുറച്ചു പേപ്പര് ഫോട്ടോ കോപ്പി എടുക്കാനുണ്ട് , വീടിനടുത്തുള്ള ഒന്നും തുറന്നിട്ടില്ല...
ഒക്കെ ... ഞങ്ങള് രണ്ടു പേരും നോബിള് മക്തബയിലേക്ക് കയറി.
ഒരു ഹൈദ്രബാദി ആണ് ജോലിക്കാരന്. പേപ്പര് കൊടുത്തു , സീതി പറഞ്ഞു ബില്ടിങ്ങിന്റെ ആധാരമാണ് ഒന്നുവലുപ്പം കുറച്ചെടുക്കണം .. പുള്ളി ഒന്നു ഞങ്ങളുടെ മുഖത്തു നോക്കി ഒരു ബെയ്ത്തു പോലെ എന്തോ മൂളാനും തലയാട്ടാനും തുടങ്ങി .
പിന്നെ എന്ത് പറഞ്ഞിട്ടും അയാള് നേരെ ചൊവ്വേ ഉത്തരമൊന്നും തരുന്നില്ല .. സീതിക്ക് ആകെ ഒരു അങ്കലാപ്പ്... നല്ല എടാ മുടിക്കിലാണല്ലോ ചെന്നു പെട്ടത് എന്ന് പറഞ്ഞു .... ഈ ഷോപ്പിന്റെ ഓണറുടെ സ്ഥിതിയെ പറ്റിയും ഞങ്ങള് ചര്ച്ച ചെയ്തു... ഒരിക്കല് വന്നവന് ഇനി ഈ വഴി വരില്ല എന്നുറപ്പാണ്.
കുറേ കോപി എടുക്കലും പേപ്പര് വേസ്റ്റ് ആകുന്നതും നോക്കി ഞങ്ങള് നിന്നു... ബൈത്തിന്റെ ശക്തി കൂടി വന്നു , പറഞ്ഞിട്ട് ഒന്നും കേള്ക്കുന്നുമില്ല.
ഉടനെ സീതി എന്നോട് പറഞ്ഞു... ശൈത്താന്മാര് ഒഴിഞ്ഞു പോകാനുള്ള ബൈത്തോ ,ഖുര്ആന് ഓത്തോ മറ്റോ ആണോ ഇയാള് ചെല്ലുന്നത്... ?
സംസാരത്തിനിടയില് ഞാന് കാര്യം എടുത്തിട്ടു.. !
സീതികാക്കാ ഞാനൊരു "ബ്ലോഗ്" തുടങ്ങിയിട്ടുണ്ട് ...
ഇതു കേട്ടതും സീതി ചിരിച്ചു.... ചിരിയോടു ചിരി .... :) :)
പിന്നെ ഒരു മറുചോദ്യമായിരുന്നു .. ?
'എന്നിട്ട് കച്ചോടൊക്കെ എങ്ങനെ ഉണ്ടെടാ...?'
'കച്ചോടോ?' ഞാനൊന്നു ഞെട്ടി ..!! സീതി പിന്നേയും ചിരി.. :) :) പിന്നെ ഞാനും വിട്ടു കൊടുത്തില്ല.
'അത് സാരല്ല്യ... ആദ്യൊക്കെ അങ്ങനെതന്നാ... കച്ചോടൊക്കെ ആയിക്കോളും, ബാബു പേടിക്കണ്ട. നീ ഒറ്റക്കാണോ തൊടങ്ങ്യത്?'
'ഒറ്റക്ക് തന്നാ കക്കാ.... '
'അത് തന്നാടാ നല്ലത്... ഇപ്പളത്തെ കാലത്ത് ആരേം വിശ്വസിക്കാന് പറ്റൂല'
'ഉം' ഞാന് മൂളിക്കൊടുത്തു
'അന്റെ കഫീല് ആരാടാ... ?'
''ഷൈഖ് ഗൂഗിള് ബ്ലോഗാനി''
'ആ... ഓന്റെ പേര് കേട്ടാലറിയാം... ഓന് തറവാട്ടില് പിറന്നോനാ.. പിന്നെ കിട്ടുന്ന പൈസൊക്കെ സൂക്ഷിച്ച് വെച്ചോ... അന്റെ മോളെ കല്ല്യാണൊക്കാ വരാന് പോണത്....
'ശരി കക്കാ ...' പിന്നേയും ചിരി... :) :)
'എന്താടാ അന്റെ കടക്ക് പേരിട്ടത്?'
'ഇസാക്കിസം... '
'എന്ത് പണിയാടാ ചെയ്തത്? അന്റെ പേരിന്റോപ്പം ഇരു "സം" അങ്ങോട്ട് കൂട്ടി എന്നല്ലുള്ളൂ...... അന്റെ തറവാട്ട് പേര് ഇട്ടൂടായിരുന്നോ..?'
എന്താണ് ഫേസ് ബുക്കില് ഒക്കെ കാണുന്ന ഒരു പുഴ.....................
"പുഴക്കലകത്ത്................. അതെന്നെ.... അതാവുംബം കുടുംബത്തിനൊരന്തസ്സാ.... അല്ലെ.... ?
ആദ്യം എന്നെ പറയിപ്പിക്കാം കാക്കാ ..... എന്നിട്ട് കുടുംബത്തിനെ പറയിപ്പിച്ചാല് പോരെ ... ?
നിതാക്കാത്തിന്റെ സ്ഥിതിയൊക്കെ എന്താ... ??
പച്ചയോ , മഞ്ഞയോ , അതോ റെഡ് ആണോ ?? Excellent ആണെങ്കില് പുതിയ വിസയും കിട്ടുമല്ലോ ?...
ഏതായാലും ''ഷൈഖ് ഗൂഗിള് ബ്ലോഗാനി'' യെ ഒന്നു കാണട്ടെ ...
എന്റെ ശമ്പളവും ഒന്നു കുറക്കണം...
അതെന്തിനാപ്പാ...... ? വെറുതെ സ്റ്റാര് കൂട്ടണ്ടാ എന്നു കരുതിയാണ്....
ക്രിസ്തുമസ്സ് ഒക്കെ കഴിഞ്ഞില്ലേ ... പിന്നെന്തിനാ സ്റ്റാര് .... ഇനിയാരെങ്കിലും മുബാറക് സ്റ്റോറില് സ്റ്റാര് ചോദിച്ചു വരുമോ .. ?
ഇതാ സ്റ്റാര് അല്ല ആദില് ഫക്കിഹ് ന്റെ "സ്റ്റാര്" ആണ്.... !
മൂന്നു സ്റ്റാറിന്റെ മുകളില് വന്നാല് പിന്നെ മെഗാ സ്റ്റാര് മമ്മൂട്ടിയുടെ ഒപ്പം അഭിനയിക്കാം.... ഹ ഹ ഹ മമ്മുട്ടി ഇങ്ങോട്ട് വരാത്തത് കൊണ്ടു നാട്ടില് പോയി അഭിനയിക്കാം...
ഈ മുടിഞ്ഞ ഗ്ലാമറും കൊണ്ടു മരുഭൂമിയില് സമയം കളയാതെ കിട്ടിയ സ്റ്റാറും കൊണ്ടു നാട്ടില് പോകാന് നോക്കൂ..... :) :)
ഒരു കൈ നോക്കണോ ... ഇപ്പൊ പ്രവാസികള്ക്ക് നമ്മുടെ പ്രവാസി കാര്യ മന്ത്രി പുതിയ ഒരു കുപ്പായം ഡിസൈന് ചെയ്തു ഇന്ത്യന് എംബസി മുഖേനെ വിതരണം ചെയ്യുന്നു ...
വെള്ള കുപ്പായത്തില് ചുവന്ന കളറില് കുറേ സ്റ്റാര് ...... ഈ സ്റ്റാര് കുപ്പായം അണിഞ്ഞു തിരിച്ചെത്തുന്നവര്ക്ക് സ്റ്റാര്ന്റെ എണ്ണ മനുസരിച്ച് കരിപ്പൂര് എയര് പോര്ട്ടില് നിന്ന് പച്ച , മഞ്ഞ , ചുകപ്പു , കറുപ്പ് , വെള്ള എന്നീ വിഭാകങ്ങളില് പെടുത്തി ... ലാലേട്ടന് , മമ്മുട്ടി , ദിലീപ് , സുരേഷ് ഗോപി , മാമുക്കോയ തുടങ്ങിയ മെഗാ സ്റ്റാര് നൊപ്പം അഭിനയിക്കാന് അവസരമൊരുക്കുന്നു.....
രെജിസ്റ്റര് ചെയ്യാതെ മുങ്ങുന്നവരെ പിടിച്ചു കൊണ്ടുവന്നു മൂന്ന് കൊല്ലം നിര്ബന്ത സീരിയല് അഭിനയം കര്ശനമാക്കി.... :) :)
മുപ്പതു വര്ഷമാകാറായില്ലേ സീതികക്കാക്ക് സ്റ്റാര്ന്റെ പെരുമ കണ്ടു ബോളിവുഡില് നിന്നും ക്ഷണം വരും ..... പിന്നെ ശാറൂക്കിനോപ്പം.... അടുത്ത വെകേഷന് വരുമ്പോള് സീതികാക്കാനെ കാണാന് മുംബൈ യിലോ ഡല്ഹിയിലോ വരേണ്ടി വരും.... :) :)
ഞങ്ങള് രണ്ടു പേരും കുറേ ചിരിച്ചു.....
പിന്നെ ഞാന് പറഞ്ഞു ...സീതി കക്കാ ... കച്ചോടൊക്കെ ഒന്നു ഉഷാറാവട്ടെ ... എന്നിട്ട് വേണമെങ്കില് ബ്ലോഗിന്റെ പേരു മാറ്റാം.
ഇപ്പൊ തന്നെ ഷോപ്പില് ആരും കയറുന്നു മില്ല .... കമന്റൊന്നും പറയുന്നുമില്ല .....
ഈ മലയാളികളുടെ കച്ചോടം ഇങ്ങനെ ത്തന്നെയാണോ ആവോ.... ?? ഇതാദ്യം അറിയുകയാണെങ്കില് ഈ കച്ചോടം തുടങ്ങില്ലായിരുന്നു...!
പെട്ടെന്ന് സീതികാക്ക ചോതിച്ചു .. ?
എന്നെ കണ്ടാല് ഒരു ശൈത്താന് ലുക്ക് ഉണ്ടോ ??
പെട്ടന്നുള്ള ചോദ്യമാണ് .... ചോതിച്ചതോ കുടുംബത്തിലെ വേണ്ടപ്പെട്ട ആളും ജിദ്ദയിലെ കലാ സാംസ്കാരിക വേതികളില് തിളങ്ങി നില്ക്കുന്ന വെക്തിത്വവും പുതിയ പാട്ടുകാരനും സോഷ്യല് കമ്മ്യുണിറ്റികളിലെ തിളങ്ങുന്ന പ്രതിപയും.
ഒരമ്പരപ്പോടെ മുഖത്തേക്ക് ഒന്നു നോക്കി ... !!
ഈ താടിയും മുടിയില്ലായ്മയും കണ്ണുകളിലെ ഭാവവും ഒക്കെ കണ്ടാല് ഒരു ശൈത്താന് ലുക്ക് ഉണ്ടോ ??
സത്യം ഒരിക്കലും പറയാന് പറ്റില്ല എന്ന യാദാര്ത്ഥ്യം എന്റെ ഉപബോധ മനസ്സു എന്നോടു മന്ദ്രിച്ചു.....
"സീതികാക്ക എപ്പോഴും ഒരു സ്മാര്ട്ട് ലുക്ക് അല്ലെ....
അല്ല അതെനിക്കറിയാഞ്ഞിട്ടല്ല ..... ഈ ഫോട്ടോ കോപ്പി എടുക്കുന്ന ഹൈദ്രബാദി യുടെ ഇടക്കുള്ള നോട്ടവും ബൈത്തോ , ഖുര്ആന് ചോല്ലുന്നതിനിടയിലെ തലയാട്ടം കാണുംബളും ഒരു ശങ്ക.... "ശൈത്താനെ ഓടിക്കുകയാണോ എന്ന്" നമ്മുടെ മലയാളികള് മുഖത്തു നോക്കി നല്ലത് പറയുംപോലല്ലല്ലോ എന്നോര്ത്തതാണ്.
മനസ്സില് ഒരു ശങ്കയും ബാക്കിയാക്കികൊണ്ട് ഇന്നത്തെ പ്രഭാതത്തിന്റെ തുടക്കം ..... ഏയ് ഇല്ലില്ല അങ്ങിനെ ഒരിക്കലും സംഭവിക്കില്ല. :) :)
എന്താ ?... നിങ്ങള് വിശ്വസിച്ചില്ലെന്നോ?... സത്യായിട്ടും... നമ്മുടെ സീതി ഹാജിയാണേ സത്യം. :) :)
ഓര്മയിലെ കുട്ടിക്കാലം.
മാസ്റ്ററും,മത്തിയും.
എന്റെ ഗ്രാമം. [ചെട്ടിപ്പടി]
ഇസ്ഹാക്ക് പുഴക്കലകത്ത്.
13 comments:
വിക്രമാതിത്യനും വേതാളവും.. നമുക്കറിയാവുന്ന കതാപാത്രമായതിനാല് മനസ്സിലാക്കാം. ഉഷാറാവുന്നുണ്ട്.. keep writing. :)
ഞാനെന്തു പറയണം ഇഷാഖ് ? വിരസം...എങ്കിലും എഴുത്തിന്റെ സ്റ്റൈല് ഇത്തിരി നന്നായിട്ടുണ്ട്...അക്ഷരത്തെറ്റുകള് കുറഞ്ഞിട്ടുമുണ്ട്.... തുടര്ന്നോളൂ.... :)
"ഇതു കേട്ടതും സീതി ചിരിച്ചു.... ചിരിയോടു ചിരി .... :) :)
പിന്നെ ഒരു മറുചോദ്യമായിരുന്നു .. ?
എന്നിട്ട് കച്ചോടൊക്കെ എങ്ങനെ ഉണ്ടെടാ...?'"
സംഗതി കലക്കി എന്നാലും സീതിക്കയോട് ഇത് വേണ്ടായിരുന്നു.
ഇവിടെ വന്നു ബോറടിച്ചതില് സന്തോഷം രാജ്.... :) ഇടയ്ക്കിടയ്ക്ക് ഒന്നു എത്തി നോക്കി പോരായ്മകള് ചൂണ്ടി കാണിക്കുമല്ലോ . നന്ദി.
ഇവിടെ എത്തിയതില് സന്തോഷം അഷറഫ് ബായ് .... സീതിയെ അടുത്തറിയാവുന്ന അഷറഫ് ബായിയോടു ഒരു വിശതീകരണം ആവശ്യമില്ലല്ലോ. എപ്പോഴും നര്മ്മം കലര്ന്ന സംസാരവും , മുഖമുദ്രയാക്കിയ ചിരിയോടെയല്ലാതെ സീതിയെ കാണുകയുമില്ലല്ലോ.. ? സന്തോഷം ഈ കൂട്ടിനു. :)
റഷീദ് സാഹിബ് .... താങ്കളുടെ പ്രോത്സാഹനത്തിനു ഒരായിരം നന്ദി.
പാക്കിസ്ഥാനി സീതിക്കയെ നോക്കി എന്തോ പാടാന് തുടങ്ങി ("പുള്ളി ഒന്നു ഞങ്ങളുടെ മുഖത്തു നോക്കി ഒരു ബെയ്ത്തു പോലെ എന്തോ മൂളാനും തലയാട്ടാനും തുടങ്ങി."), തുടര്ന്ന് "എന്നെ കണ്ടാല് ഒരു ശൈത്താന് ലുക്ക് ഉണ്ടോ ??" ഇതൊക്കെ കൂട്ടിവായിച്ചപ്പോള്... ബാബുക്ക, എനിക്ക് മനസ്സിലായത്, ഇനിയെങ്ങാനും ഈ പാകിസ്താനി അറിഞ്ഞു കാണുമോ സീതിക്ക പാടിയ ആ പാട്ട് ഇവിടെ സൌദിയില് ആകെ ഹിറ്റ് ആയത് ...
"സുലൈമാന്റെ സുലൈമാന്റെ...
സുലൈമാന്റെ സുലൈമാന്റെ...
സുലൈമാന്റെ സുലൈമാന്റെ"
:)
ഹ ഹ ഹ സീതി ഹാജി ഈ പാട്ടു കൊണ്ടു നടക്കാന് തുടങ്ങിയിട്ട് വര്ഷങ്ങളായി.... :) :) ഞങ്ങളുടെ ഫാമിലിയില് ഇപ്പോള് "സുലൈമാന് സീതി" എന്നറിയപ്പെടുന്നു... :) :) വായനക്ക് നന്ദി അബ്ദുള്ള സാഹിബ്. :)
നന്നായിരിക്കുന്നു. നേരിട്ട് കാണുന്നപോലെ, രസകരമായി എഴുതിയിരിക്കുന്നു.
“എന്നെ കണ്ടാല് ഒരു ശൈത്താന് ലുക്ക് ഉണ്ടോ ??”
ആത്മവിശ്വാസം, അതാണ്നെല്ലോ എല്ലാം !!!
Seethikka... ഫോട്ടോ കോപ്പി എടുക്കുന്ന സ്ഥലം മാറ്റുന്നതാണ് കുറെ കൂടി safe.
ഈ വായനക്ക് സന്തോഷം നാസര് അളിയാ................... :) സീതി കാക്ക ഇപ്പോള് മുബാറക് സ്റ്റോര് എത്തിയാല് വണ്ടി സ്പീഡ് കൂട്ടുന്നു.. :)
നാട്ടിൽ നിന്ന് തന്നെ ബാബുക്കയെ കണ്ട പരിജയമുണ്ട്,,,,,, ഇത്തരം കൈ ക്രിയകൾ കയ്യിലുണ്ട് എന്ന് മനസിലായത് ഇപ്പോഴാണ്,,,, എഴുത്തിന്റെ സ്റ്റൈൽ ഇഷ്ടപ്പെട്ടു,,,,,,,,,,,,,,,,,,,,,, എഴുത്ത് തുടര്ന്നോട്ടെ,,,,, ബോറടിക്കാൻ ഞങ്ങൾ വരാം.....................
പിന്നെ ഒരു സംശയം ബാബുക്ക,,,,,,, ഫോടോക്ക് പോസ് ചെയ്തപ്പോൾ സീതിക്ക ചെവീയിൽ എന്തോ പറഞ്ഞോ,,,,,, മുഖ ഭാവത്തിനൊരു മാറ്റം തോന്നുനുന്നു,,,,,,,,,,,,,,,,,
സീതി പറഞ്ഞത് "ഞാനൊറ്റക്കല്ലല്ലോ" എന്നാണ്.......... തിരുമോഴിക്ക് മറുമോഴിയില്ലല്ലോ..... കുടുംബത്തിലെ കാരണവരും. :) :) സന്തോഷം ഈ കൂട്ടിന് ശബീര്ജി... :)
Post a Comment