Friday, February 14, 2014

പ്രണയവര്‍ണം.

എന്‍റെ പ്രണയം വര്‍ണങ്ങളാല്‍ സമ്പന്നമായിരുന്നു ,
നിന്‍റെ ഓരോ നടപ്പിലും ഞാന്‍ വര്‍ണങ്ങള്‍ കണ്ടു ,
എന്നില്‍ നിന്നെ പ്രദിഷ്ടിച്ചത് നിന്‍
വിടര്‍ന്ന  നയനങ്ങള്‍ തന്നെ , 
മഫ്ത ചുറ്റിയ വട്ട മുഖമാണ് ,

എന്‍ നോട്ടത്തിലും പുഞ്ചിരിയിലും
നീ എനിക്കു സമ്മാനിച്ചത്‌
വെട്ടിത്തിരിഞ്ഞു ഭൂമിയോട്
അരിശം തീര്‍ത്ത നടത്തമായിരുന്നു. 


ഞാനെന്നെ വിലക്കിയിട്ടും
എന്‍റെ പ്രണയം പല വര്‍ണങ്ങളായി ,
എന്‍റെ മനസ്സില്‍ നിന്നെ വട്ടമിട്ടു കൊണ്ടിരിന്നു ,

ദൂരങ്ങള്‍ ഒരിക്കലും എന്‍റെ പ്രണയത്തിനു ,
തടസമായിരുന്നില്ല ... പ്രായവും .

സ്വപ്നങ്ങളില്‍ എന്‍റെ പ്രണയം സാന്ത്വനിപ്പിക്കുന്നു ,

കാലത്തിനും പ്രായത്തിനും
തടയിടാന്‍ പറ്റാതെ
കൈകോര്‍ത്തു ആ കാംപസിലൂടെ
ഓരോ പുലരിയിലും നിന്‍ മിഴികളില്‍
മൃദു ചുംബനം നല്‍കി
നിന്‍ കവിളുകളില്‍
തൂവലിനാല്‍ തലോടി .

ഞാന്‍ ഞെട്ടി ഉണര്‍ന്നു ,
എന്‍റെ പ്രണയം
ആര്‍ക്കും വിട്ടു കൊടുക്കാതെ
മനസ്സില്‍ താലോലിക്കുന്ന
എന്‍റെ മാത്രം പ്രണയം !












No comments: