Tuesday, January 26, 2016

പ്രിയ മകനേ..!!

തട്ടിത്തെറിച്ച ബാഗും
തെന്നിമാറിയ ചെരിപ്പും
ആകാംക്ഷയോടെ എത്തി നോക്കി.

പാദങ്ങളുടെ ചൂടും
കണ്‍മിഴികളുടെ ചലനവും
സൂക്ഷിച്ചുനോക്കി.

അകാശമേഘങ്ങളെ
വകഞ്ഞുമാറ്റി മാലാഖമാര്‍
ഭൂമിയിലേക്ക്‌ ഇറങ്ങി വന്നു.

സ്വര്‍ഗ്ഗത്തില്‍ ചുവന്ന പരവധാനി
നിനക്കായി വിരിച്ചു
അവര്‍ നിന്നെ കൊണ്ടുപോയി.

മറക്കാന്‍ കഴിയാതെ പോയ
നിമിഷങ്ങളുടെ ആഴം എത്രയെന്ന്
ദൈവത്തോട് ചോദിച്ചു:

ദൈവം നിന്‍റെ രൂപം പൂണ്ട്
രക്തത്തിലും ചിന്തകളിലും
പറന്നുനടന്നു...

നാഥന്‍റെ വിളി
അതിവിധൂരമല്ല...
ആകാശവും കടലും താണ്ടി
നിന്നരികിലെത്തുന്ന സുദിനം...

സ്വര്‍ഗ്ഗ കവാടത്തില്‍
സുഗന്ധം പരത്തുന്ന
വര്‍ണ്ണ പൂക്കളുമായി
നീയെന്നെ വരവേല്‍ക്കില്ലേ...
പ്രിയ മകനേ..!!
----------------------------------
എന്‍റെ മകന്‍റെ പ്രിയ സുഹൃത്തിന്‍റെ വിയോഗത്തിനു മുന്നില്‍ കണ്ണീര്‍ പൂക്കളോടെ ആ മാതാവിന് സമര്‍പ്പിക്കുന്നു.

https://www.facebook.com/isakkisam?ref_type=bookmark
http://ishaquep.blogspot.in/

No comments: